GLĚDAJŚO! Nowy! Firefox za Android 46.0 jo wujšeł! Ześěgniśo jen z
Google Play Store a wužywajśo jen dolnoserbski!

Webwobglědowak Firefox za Android dolnoserbski

Co jo Firefox za Android?

Firefox za Android jo tak pomjenjony browser, wobglědowak, za mobilne rědy ako smartfony a tablety, to jo program, z kótarymž móžośo se internetne boki na takich rědach woglědaś. Wón jo pendant k Mozilla Firefox, kótaryž jo za desktop myslony. Firefox za Android jo, ako jogo mě južo gronijo, za źěłański system Google Android programěrowany.

Wersija 37.0 Firefox za Android, kótaraž 31. měrca 2015 wujšła, jo prědna wersija toś togo programa, kótaraž wopśimujo dolnoserbski (a górnoserbski) pśełožk.

Zwucony nałog, Firefox na wašom mobilnem rěźe instalěrowaś, jo ześěgnjenje z Google Play Store. Dataja na Google Play Store wopśimujo wšykne k dispoziciji stojece rěcy. Móžośo pak teke apk-dataju jano za dolnoserbšćinu z FTP-serwera Mozilla ześěgnuś: fennec-46.0.dsb.android-arm.apk. To pak njejo oficielna ześěgnjeńska adresa. APK jo jadnory archiwowy format ako zip - apk jo skrotconka za engelske zapśimjeśe android application package, pakśik nałoženjow za Android, tak až musyśo dataju jano wupakowaś.

Ako za joho pendant za desktop daju teke za Firefox za Android dodanki (programowe rozšyrjenja, za wudopołnjenje jogo funkcionality, a drastwy, za pśeměnjenje jogo wuglědanja). Głowne websedło za to jo AMO, skrotconka za https://addons.mozilla.org (nimski).

Oficielne websedło za Firefox je https://www.mozilla.org/dsb/firefox/android/. Na camp-firefox.de namakajośo nimskorěcny forum: Firefox für Android (pódforum foruma Firefox - Allgemein).